Hai moi pouco tempo que souben da existencia destas cabalerizas en Agolada. Están a carón do Marco da Constitución e a carón da casa de Daniel de Sidorio. As cabalerizas están divididas por dúas paredes de construción posterior á obra inicial, que dividen este espazo en tres dependencias. Accedín a dúas e a terceira só puiden vela pola parede exterior. Non puiden precisar se había catorce ou quince comedeiros. O número, sempre importante, confirma a existencia dunha cabaleriza destacada. Entre varias opcións, a evidencia máis clara indica que se trataría da cabaleriza do cuartel que ocupaba a casa de Sidorio.Este espazo polo que ten de histórico, testemuñal, arquitectónico e etnográfico, merece unha atención por parte das autoridades e mesmo da nosa asociación. Sería importante falarmos entre todos sobre o seu futuro e sobre o vencello que no pasado tivo coa feira. Na foto superior podedes observar que o seu estado é mellorable. Empezando pola limpeza.
Ningún comentario:
Publicar un comentario