16 de abril de 2007

ANXO GUERREIRO

O pasado sábado Anxo Guerreiro recibiu unha homenaxe no Teatro Principal de Santiago. Hoxe Xosé Luís Barreiro Rivas dedícalle a súa columna en "La Voz de Galicia" titulándoa Político profundo. Coincide que ambos os dous están entre os analistas sociopolíticos galegos que máis admiro e de quen comparto moitas das súas opinións. Non obstante dos dous boto en falta o uso do galego nos seus artigos. Por ese lado tamén se mostra o compromiso coa terra.
A vida que sempre tivo dúas caras, como as moedas, unhas veces dá paos e outras aloumiños. Alédame que agora lle toquen a Anxo os aloumiños merecidos. Eu desde Agolada quero enviarlle tamén o meu, do que probablemente non terá noticia.
Anxo Guerreiro aparece na foto que lle fixen o 30 de xullo de 2006 na homenaxe que lle rendemos ao último alcalde republicano de Agolada, Primo Castro Vila. Non tiven ocasión de que mo presentasen pero sen dúbida estivo atento á foto como se da prensa se tratase. Polo que puiden saber a súa presenza estaba xustificada por ter algún parentesco coa familia de Primo Castro. A imaxe recolle un momento da comida de confraternidade que compartimos na carballeira da área recreativa de Carmoega.
Foi outra data emotiva das moitas que se levan vivido en Agolada nos últimos anos.

3 comentarios:

  1. Creo que con un deles te ías desilusionar tocante ao tema da lingua pois tampouco a utilzia no rexistro oral normalemente, ou outro si; douche unha pista: non se lle coñece profesión.

    ResponderEliminar