6 de abril de 2007

CALCO DO PETROGLIFO DO COTO DA ASPRA

Hoxe pola mañá, en compañía de Marcial Barral, do seu amigo Pablo de Dormeá, de Ismael Hermida, de Xosé Ramón Sarandeses e de Angel de Basadroa fomos ao monte Farelo, ao Coto Cornellal, ao Coto da Aspra e a Namelas, sempre na parroquia de Ventosa. A visita tiña como obxectivo localizar mámoas e petroglifos. Coa guía de Ismael Hermida puidemos dar con varias das mámoas do monte de Vilar, dúas delas con cámara dolménica.
Na visita que fixemos ao Coto da Aspra (Axiaz-Ventosa), a luz cenital apenas nos deixou ver con claridade os debuxos do enorme petroglifo. Non levaba eu comigo o debuxo e as explicacións quedáronse neso. Porque sei que visitan este blog, ofrézolles desde aquí o calco que no seu día me enviou o arqueólogo do Museo de Pontevedra, Antonio de la Peña Santos. E de paso, para todos vós.
É moi importante este petroglifo pola presenza de armas (dagas, alabardas) en terras do interior. As armas aparecen representadas case en exclusividade en petroglifos próximos á costa pero nunca tan adentro, nas zonas centrais de Galicia. De aí a súa importancia, á parte das moitas figuras representadas (reticulados, cazoletiñas, círculos...)

1 comentario:

  1. E tanto que é importante copmo que é o petroglifo que contén armas mais lonxano da costa. Ese calco está publicado na revista anuario do Deza, se non recordo mal do ano 2006, pero non estou seguro

    ResponderEliminar