29 de agosto de 2007

IGREXA ROMÁNICA DE DOROÑA - VILARMAIOR

Os días de praia en Miño tamén deixaron ocos para visitar algúns lugares interesantes. Doroña en Vilarmaior tiña para min un dobre atractivo: o excelente románico da súa igrexa e descubrir qué había de realidade na novela "Cartas de Inverno" de Agustín Fernández Paz, que sitúa nesta aldea unha casa (encantada) de estilo colonial onde ocorren os dramáticos feitos. Non dei coa casa, se é que a hai, nin existe o bar Sttugart.
A visita pagou a pena pola igrexa, que non só posúe todo o encanto do románico senón que tamén está perfectamente restaurada e nun entorno moi coidado.

Destacan a ábsida cos seus canzorriños, a portada que loce un Agnus Dei no tímpano, o pórtico da entrada, e o campanario lateral.

Ningún comentario:

Publicar un comentario