A miña pertenza á Asociación Amigos dos Pendellos anímame a traer de vez en cando algunha foto, imaxe ou noticia relacionada con este recinto tan especial. É unha maneira de ter acesa a chama da reivindicación para conquerir a definitiva recuperación destas construcións.Adiviña Producións, produtora cinematográfica radicada en Perillo (Oleiros), fixouse nos Pendellos de Agolada para rodar unhas escenas do documental "Camiño de Santiago. A orixe". Na foto de arriba presento un fotograma de dito documental, onde podemos ver a Praza da Randulfa animada por figurantes. No centro da praza, con capa negra, aparece o actor que encarna o papel de Aymerich Picaud. O fotograma presenta retoques de ordenador, onde se suprimiron os edificios actuais que desmerecen a arquitectura do conxunto e idealizouse o fondo cunha paisaxe frondosa envolta na brétema.
Á vista do fotograma retocado evidénciase a desfeita urbanística irreparable que se percibe na foto que aparece baixo este texto. Na tarefa da restauración non podemos perder de vista este referente: manter a pureza primixenia da pedra e maquillar as patoloxías arquitectónicas que sexan suceptibles diso.
vaia cambio dunha foto a outra!, mismo parece que un retrocedeu no tempo de verdade!
ResponderEliminarTí ánimo, e segue a reivindicar, que é por xente con esas boas teimas por as que se consiguen cousas.
Eu lembro cando puxeron o make-off do documental que falaron desa escea. Iso si, non lembraba que fose en Agolada.
ResponderEliminarUn saudo.
Pois ti segue ahí reivindicando, sempre ten que haber alguén que loite senon a desfeita acababa con todo.
ResponderEliminarA desfeita urbanística, é triste dicilo, pero xa forma parte de calquera pisaxe de Galicia.
Apertas.