Hai poucos días, Eva Buján Sarandeses facilitoume bastantes fotos do álbum familiar. Alí estaban estas tres fotos de indubidable valor etnográfico e social. Son dignas de figurar no futuro Museo das Feiras, que se constituirá no edificio que está á esquerda na foto superior, cando estean executadas as agardadas obras de restauración.
Posuímos bastantes fotos do Paseo da Parranda, de cando se mantiña íntegro, pero só unha na que se vexa a feira entre os Pendellos. Velaí pois o valor destas tres que veñen a incrementar o patrimonio gráfico co que pretendemos a recuperación da memoria da feira.
Foron feitas en 1970. E nelas podemos ver a varios mozos de Agolada, que paseban festivos por entre os feirantes. Nilo e Pepe Luís do Carril, Toño do Buxán, Benitín, Eugenio do Claudino e Manoliño do Carromao, prematuramente desaparecido pouco tempo despois desta foto.
Ainda que tampouco pasaron tantos anos dende esas fotos (40 tacos); eu non sei que raio teñen as fotos en branco e negro, que aportan un nivel máis de comunicación e de expresividade.
ResponderEliminarSaúdos no día da Feira de Antas
¡Canta vida pasou entre as pedras dos Pendellos!
ResponderEliminar