14 de agosto de 2008

800. IMAXES DA MOSTRA DE ARTESANÍA 2008

Non están todas as imaxes nin siquera creo que estean as máis representativas. Son algunhas das que eu tomei. Tres días dan moito de si. Houbo actos interesantes e variados. Tamén aspectos que se deberán mellorar. A min gustoume especialmente que houbese talleres-obradoiros en vivo e en directo como o do oleiro de Buño da foto superior. Ademais do didactismo con que lle daba forma ao barro, sorprendeume cunha labia que me lembrou a Carlos Arguiñano cando elabora unha receita de cociña. Cada día un oficio, o segundo día tocoulle a unha tecedeira que me ensinou bastantes segredos que descoñecía dos teares, e o último día houbo un ferreiro coa súa forxa ao completo. O exotismo veu da man do grupo folclórico Bordadeiras da Casa do Povo de Cardielos de Viana do Castelo (Portugal). Outros actos destacados foron as actuacións de títeres, espectáculo pirata, o certame de bandas de música...

O grupo A Roda conseguiu engaiolarnos malia a chuvia persistente.

1 comentario: