Despois dun prolongado descanso motivado polas circunstancias que sempre rodean a vida, volvo a retomar con calma este periplo cibernético que me leva desde hai tres anos na procura de min mesmo navegando vieiros esquecidos da terra que me enxendrou e que me nutre con esencias de paisaxe en abandono e con felices descubertas esporádicas.
Volvo para dar noticia do blog da Coral Polifónica de Agolada, da que formei parte durante tres anos. Para dicir da súa calidade e do bo facer de Xosé Luís Factor, que a preside. Para magnificar o feito da súa existencia, nun concello tan depauperado en poboación, para resaltar o pulso e a querencia musical dos meus paisanos que se manifesta na coexistencia de varias formacións musicais: A Banda Municipal, os gaiteiros de Bico da Balouta e a Coral Polifónica, algún coro parroquial como o de Ventosa e as reminiscencias dunha rondalla nacida en Brántega...
Seica val máis unha imaxe ca mil palabras... Cantas palabras valerán estes dous vídeos con senllas interpretacións da Coral Polifónica de Agolada?
A Coral contou nos seus incios con oitenta e pico compoñentes. Foi minguando lentamente en voces, ao compás deste andacio poboacional que nos desangra irremediablemente. Pódese afirmar que agora quedan poucos. Poucos si, pero escollidos. Ás probas me remito.
Alédame o teu retorno.
ResponderEliminarE volves, como non podía ser doutro xeito, presumindo de aqualatense. E tés razóns para elo.
Se non lembro mal, a Coral de Agolada foi dirixida en algún tempo polo Mestre Alvarellos, non si?.
Apertas
Grazas, Manolo, pola tua agarimosa referencia a Coral de Agolada. Como ben dis imos mermados en numero con respecto o ano 1993 no que eramos oitenta, pero coa mesma ilusion.
ResponderEliminarPensamos que o importante e o camiño e non chegar o destino. Nos estamos disfrutando do camiño mentras poidamos.
Unha aperta.
Pepe Factor