12 de xaneiro de 2018

DÚAS IMAXES DO MESMO PENDELLO

1970
 2017
Aproveito a fotografía que publica hoxe José Ramón Pérez Salgado para establecer un contraste clarificador entre as dúas imaxes separadas por 47 anos de alteracións nas construcións do antigo mercado de Agolada. Sempre é importante saber de onde vimos, o que fomos, para reencontrarnos co futuro mellorado, que tanto ansiamos.
En ningunha das dúas fotos aparece o pendello-expositor que miraba á rúa Constitución. Xa se tirara para darlle anchura de tractor á rúa en detrimento da anchura anterior, propia dos carros. Si se advirte o oco na pedra, baixo a sopena, do arrinque dos pontóns que soportaban o tellado.

2 comentarios:

  1. Algún destes pendellos penso que orixinalmente non tiñan esa función algúns, como o da foto, foron cortellos para os animais, digoo polas laxes de cierre dos mesmos.

    ResponderEliminar
    Respostas
    1. Efectivamente, eran cortellos para albergar vacas ou cabalerías os días de feira. Pero o tellado de fóra daba abeiro a un pendello-expositor que alugaban os días de feira. Eran cartos en metálico e iso poucos os perdían. O resto dos días do mes valíalles para almacenar cousas ou para poñer a roupa a secar ao enxoito.

      Eliminar