Inicio con este brasón do Pazo de Borraxeiros a serie heráldica dos escudos que hai espallados por diferentes lugares do Concello. Para a súa descrición aproveitarei o traballo sobre os pazos do Deza de Francisco Rubia e César Gómez.Neste brasón de forma invertida o xefe é arredondado e remata en trazo recto. Está suxeitado por unha aguia decapitada, que o sostén nas súas poutas. O campo é cuartelado. No primeiro cuartel cinco crecentes postos en sotuer con cinco luceiros (apelidos Vilamarín ou Ojea). No segundo, unha ave parada coas ás abertas. No terceiro cuartel, unha figura animal con cabeza irrecoñecible coroada e con corpo de león. No cuarto, unha torre ameada. Este cuartel e o segundo parecen alusivos ao apelido Novoa.
Ningún comentario:
Publicar un comentario