Na parroquia de Vilariño, nunha vagoada situada entre a ponte medieval e a ponte de 1920, están as Caldelas de Vilariño. Trátase dun manancial de augas termais e medicinais (foto inferior), á beira do cal funcionou o balneario que vemos na foto superior, hoxe abandonado e en ruínas. As augas sulfurosas do manancial están indicadas para afeccións da pel, dos riles, do aparello dixestivo...Vai sendo hora de que alguén con
cartos, ideas e iniciativa aproveite esta riqueza e lle dea vida a este fermoso recanto. Souben por referencias orais que neste lugar houbo no pasado unha capela dedicada a Santa Lucía. Non queda dela ningún resto.
Ningún comentario:
Publicar un comentario