Cruceiro de elegante factura, integramente conservado na aldea de Vilanova (Borraxeiros). Destaca o capitel e as efixies da Virxe e o crucifixo. O fuste, alongado e de base hexagonal descansa sobre un pedestal cúbico biselado nas arestas superiores. Presenta plataforma pétrea baixo o pedestal.A construción dunha palleira a menos dun metro do cruceiro afeouno por completo e o feito de estar case adosado aos muros, entalado entre a pequena estrada que se adentra na aldea e a palleira, recomendan outra ubicación máis acorde co monumento, que lle dea máis relevo e o protexa de posibles danos accidentais. A praciña que veñen de facer no campo da festa de Vilanova paréceme o lugar máis apropiado. O que semella unha boa idea pode chocar coas reticencias dalgúns veciños aos que habería que convencer.
Ningún comentario:
Publicar un comentario