Fernando Carrera, do Departamento de Arqueoloxía da Escola Superior de Conservación e Restauración de Bens Culturais de Galicia, con dous operarios da empresa Galega de Sinais, procederon onte 5 de agosto á sinalización in situ da mámoa dos Muíños, declarada en datas recentes Ben de Interese Cultural.
A sinalización consiste en oito pivotes de madeira que levan unha cinta metálica coa identificación do monumento, rodeando o túmulo.E un cartelón de dobre cara no que se indican as características do xacemento: datación, ubicación, fotografías do dolmen, pinturas, etc.
Neste mes de agosto cúmprense catro anos desde que a Asociación Amigos dos Pendellos emprendemos con ilusión a tarefa de rescatar do abandono este destacado xacemento arqueolóxico. Aplicámonos na súa divulgación e procuramos a súa catalogación. As posteriores medidas de ocultación das pinturas non foron do noso agrado pero asumímolas como medida preventiva. Aínda mantemos a esperanza de que nun futuro haxa medios económicos para escavala e musealizala convenientemente.Agradecemos moito a declaración de Ben de Interese Cultural e a actual sinalización. Veñen a refrendar a importancia do xacemento e poden servir de argumentos para concienciar á xente da necesidade de respectar todos os restos arqueolóxicos e valorar e interesarse polo inxente e descoñecido patrimonio arqueolóxico que alberga o concello de Agolada.
Nas seguintes fotos recollo imaxes do cartelón nas que se expoñen as pinturas rupestres observadas nos diferentes chantos da mámoa.
Na seguinte foto obsérvanse dous momentos das obras de protección e tapado da mámoa.
Nas seguintes fotos recollo imaxes do cartelón nas que se expoñen as pinturas rupestres observadas nos diferentes chantos da mámoa.
Na seguinte foto obsérvanse dous momentos das obras de protección e tapado da mámoa.
Parabéns, Manolo, que quero facer extensivo a tódolos membros da asociación, pola vosa labor de recuperación do noso patrimonio.
ResponderEliminarAs veces as cousas levan o seu tempo, pero ao final consíguense aínda que non todo sexa como nos gustaría.
Adiante e ánimo.
Unha aperta.
Xosé Ramón Blanco
Un marabilloso traballo é o que realizades dende a vosa asociación.
ResponderEliminarOgallá chegue pronto o momento que se recoñeza o valor real dos vosos esforzos.
Non vou a entrar en mais polemicas, nin historias, porque xa deixei claro fai mais dun ano a miña postura.
ResponderEliminarNon vou gañar esta pelexa naturalmente, xa o sei....SIntoo MAnolo pero a min pareceme unha aberraciòn todo o que fixeron estes señores.
DEnde o principio, e digoche mais, se o chego a saber, non levo a ninguen a vela....a lo menos, eu desfrotaba con ela, amosando a mamoa aos meus amigos, e coñecidos, limpando por ela dos toxos e xestas, cos rapaces, e paseando nas saidas que faciamos cas bicis....
¿Agora que....? Si xa sei que esta ahi baixo a terra..?Pero serve de algo..?
E como si as meninas de Velazquez, foran retiradas do museo do prado, para sempre, co fin de conservarla...¿Para que e para quen....?
E o que mais rabia me da, é que eu contribuin a esto de agora indirectamente....
noraboa pola ilusión que amosades por conservar e coidar a herdanza. iso é o que importa, aínda que o consenso entre as persoas sexa difícil.
ResponderEliminar