Creo que a aldea de Ferreiroa ben merece que repita foto desde outro ángulo. A primeira que expuxen neste blog estaba tirada desde o outeiro da Aldea Vella, esta está sacada desde máis abaixo, desde o cruce de entrada á aldea de A Costa. As árbores do centro da foto están marcando o curso do río Ferreiroa. Da outra banda, a aldea. E detrás da aldea o monte repetidamente queimado. Xa me gustaría que estivese coma aquel que percorrín de neno, por camiños graníticos, baixo as sombras de piñeiros e carballos.A rocha chantada no medio do prado pretende ser ornamental. Foi trasladada a este lugar con esa intención. Contra gustos nada teño que dicir. ¿E as vacas que dirán?
Ningún comentario:
Publicar un comentario