No lugar de A Guillerma ubícase o Local social da parroquia de Borraxeiros. Anteriormente Teleclub, escola e orixinariamente Casa do Concello. Descoñezo de que ano data. Si sabemos que en 1833 desaparecen as xurisdicións de Ventosa, Carmoega e Borraxeiros para dar paso ao municipio de Agolada, tomando o nome dunha aldea de poucas casas que está na encrucillada dos camiños reais e onde se celebra unha feira grande o 12 de cada mes; que a casa do concello se ubica en Borraxeiros, non en van a familia Fuciños segue a exercer o seu influxo de Condes de Borraxeiros e ostentan por varias veces o cargo de alcalde.Sabemos que nos anos da II República se trasladou a casa do concello para Agolada deixando en abandono o edificio que recollemos na foto. Hoxe está restaurado desde hai algúns anos e tamén, hai que dicilo, infrautilizado.
Ningún comentario:
Publicar un comentario