Este é o comedor do Pazo de Eidián, situado nas antigas cabalerizas do cantón realista. As ventás pequenas que hai nas paredes do fondo e da dereita da foto son as troneiras abucinadas que servían para defender o cuartel con armas de fogo.O comedor está moi ben resolto e a escasa luz natural foi sabiamente complementada por unha iluminación artificial cálida e acolledora. Os muros recintáronse, as vigas son as orixinais, limpadas e tratadas, o chan resolveuse con solado de lousa bastante apropiado. É difícil encontrar no edificio algún elemento discordante. Fixeron unha restauración respectuosa e lucida.
Ningún comentario:
Publicar un comentario