Os cinco claros deste hórreo testemuñan o poderío económico que no pasado tivo a casa de Outeiro de Ferreiroa. Hoxe xa non hai actividade agrícola na casa e o hórreo permanece baleiro ano tras ano. Os hórreos que máis abundan son os de dous ou tres claros. De aí para arriba indican abundancia nas colleitas de millo.O tamaño é a característica que máis destaca neste hórreo. Asentado sobre cepas perfectamente rectangulares, o tornarratos é a propia plataforma da base. Os remates son sinxelos e de pouca altura: pináculo ao oeste e cruz no nacente.
A cara e a cruz deste hórreo aparecen na cara norte e na sur. Na norte mantén as doelas de castiñeiro e na sur foron substituídas por celosía de antiestético ladrillo. Non é nada irremediable pero o ladrillo sen revestir e a pedra granítica non parecen levarse moi ben.
Unha variedade de feísmo bastante extendida.
ResponderEliminarOs meus sogros teñen un canastro de cemento e ladrillos e van tiralo e trer un de pedra e madeira doutra parroquia... e aínda o empregan para gardar millo !!.