Máis ca falar do parque eólico o que quero é destacar o dano que se lle causou á paisaxe natural do monte Farelo. O Farelo de hai 50 anos era case o mesmo Farelo de hai 500 anos. O de hoxe nin se parece a un nin ao outro. Onde antes era un manto vexetal de carqueixas, fentos e toxos con rochedos espallados, hoxe é o que contemplamos nas fotos: pistas, zahorra, torretas metálicas de brancura non inocente, rochedos escarvados, taludes...
O que pretenden ofrecernos como miradoiro é un insulto ao bo gusto por aberrante e superfluo. Se con isto pretendían compensarnos creo que conseguiron o efecto contrario.
Pick-up e escotillas de submariños. Imaxe pouco convencional nun monte inmaculado ata hai pouco. Ata hai dous anos nin os tractores subían.
Ningún comentario:
Publicar un comentario