A liña do horizonte debuxa o lombo do Coto Caldeiro, na serra do Farelo. O seu cumio serve de liña divisoria entre as provincias de Lugo e Pontevedra. A Aldea do Monte aséntase nunha vagoada que hai mesmo nas estribacións desta elevación.Á esquerda da foto distínguese vagamente a pista que sobe desde a Aldea do Monte ata a Somoza (Antas de Ulla). A pista foi trazada por onde antigamente discorría o camiño real que proviña da Ponte dos Cabalos, pasaba por Ventosa e ascendía por esta portela do Farelo para dirixirse ás terras de Lugo.
A foto ten algo máis de dous anos, antes de que os aeroxeradores mancasen o seu perfil.
Ningún comentario:
Publicar un comentario