es cruceiros, non sei se moitos porque carezo do coñecemento fiel doutras zonas para poder comparar. Supoño que será común á maior parte de Galicia, especialmente á que posúe pedra granítica.Os cruceiros de Agolada son polo xeral sinxelos, sen alardes escultóricos. Hai tres que destacan por enriba dos demais na calidade da talla granítica: o da igrexa de Brántega, o da Eirexe en Vilariño (na foto superior) e o que está entre A Guillerma
e Cristín, no cruzamento dos camiños.A tipoloxía máis común presenta basamento, fuste de planta cadrada biselado nas arestas, capitel e cruz latina sen iconografía. É o caso deste cruceiro que está no camiño que sobe desde Vilanova ata a igrexa de Borraxeiros. Chámanlle o cruceiro de Sión. Hai quen afirma que neste lugar un viaxeiro encontrou un tesouro.
Ningún comentario:
Publicar un comentario