O antigo camiño real, practicamente desparecido, que unía Agolada e Brántega, estaba marcado pola presenza de sete cruceiros. O da imaxe está na parroquia de Merlín entre as aldeas de A Vila Grande e Merlín. Denomínase cruceiro do Covelo. Á beira del aparece un dos escasos fragmentos do antigo camiño que aínda se conservan coma antano.Dos sete cruceiros consérvanse seis. Desapareceu un que había na entrada de A Feira Nova, en Brántega. Creo que o denominaban o cruceiro das Telleiras. Dos seis que quedan, cinco están na parroquia de Merlín, un onde aparta a estrada que vai a Carral, outro en Marcelín, outro no adro da igrexa de Friufe, outro no cemiterio, este do Covelo e o sexto está no Valadoiro.
Ningún comentario:
Publicar un comentario