Estas pequenas xanelas de singular forma aparecen con relativa frecuencia nos muros dalgunhas casas ou nos pendellos anexos. Corresponde ao apoio ou estribo da viga dun lagar. Nesta terra de Agolada os lagares aparecen maiormente nas parroquias ribeireñas do Ulla e a parte baixa do Arnego. Neles premíanse uvas e mazás para obter un viño bastante acedo. Pero naquela economía autárquica das aldeas era un signo de distinción.
A foto de arriba corresponde á casa de García de Quián (Carmoega) e a de abaixo ao lagar da casa do Amor en Basadre.
Ningún comentario:
Publicar un comentario