CORAZÓN DA ARTESANÍA (IV MOSTRA NOS PENDELLOS DE AGOLADA)

PROGRAMA DE ACTIVIDADES

Mañá 3 de xullo comezan tres días grandes para Agolada. Os Pendellos volven acoller o Corazón da Artesanía. Un evento de luxo organizado pola Consellería de Industria e Turismo e a Asociación Galega de Artesáns. Non é unha mostra calquera, das moitas que se poden ver por toda Galicia. Aquí xúntanse moitos factores que a elevan por enriba: artesanía, talleres en vivo, conferencias, coloquios, obradoiros, gastronomía, degustacións, música e o escenario dos Pendellos de Agolada, conxunto histórico- artístico, que serve de perfecto decorado para resaltar os múltiples valores dos produtos aquí expostos.

 Este ano Os Pendellos  volven rexurdir coa restauración doutros espazos recuperados para acoller a esa cincuentena longa de artesáns que mañá poboarán este ancestral recinto, como antano o fixeran os innúmeros feirantes da Galicia interior.

 As imaxes aquí expostas corresponden a distintos momentos desta 4ª fase de restauración. Mañá estaremos alí para gozar da mellor artesanía e destes espazos definitivamente recuperados para unha nova vida.

Recollo este fragmento de prensa con declaracións do alcalde Ramiro Varela referidas aos Pendellos e a esta Mostra de Artesanía:

Los pequeños ayuntamientos "desaparecerán" sin iniciativas.

Este lugar es "un marco incomparable", como lo ha definido el alcalde de Agolada, Ramiro Varela, quien ha señalado que esta feria repercute "mucho" a nivel económico y en el comercio de la localidad, ya que "desgraciadamente en los ayuntamientos pequeñitos, si no lo remedian con alguna cosa de estas, la desaparición no va a estar muy lejos".

Al respecto, el regidor ha apuntado que en Agolada "hay muy pocas empresas" y "algunas que había cerraron", por lo que ha agradecido el apoyo de la Xunta para esta propuesta que cree "un orgullo" para el municipio.

 Este pendello é unha solución arquitectónica concibida polo equipo de arquitectos que levan a cabo este proceso restaurador nos Pendellos de Agolada. Polo pragmatismo, pola estética  e polo enxeño merecen toda a miña admiración e aprobación.

 Teño comentado en varios lugares e con distintas persoas a necesidade imperiosa de acometer a recuperación dos Pendellos expositores da Rúa da Parranda (que fora antano a principal arteria do recinto dos Pendellos). Contribuirían decididamente a darlle un novo pulo a este evento xa consolidado. Sei que a Consellería e os artesáns apostaron por Agolada grazas aos Pendellos restaurados. Para expoñer en telderetes de deseño non fai falta vir a Agolada, serve calquera paseo dunha alameda de calquera vila ou cidade de Galicia. Pero expoñer no mellor recinto de pendellos de feira, ter espazos para conferencias, proxeccións e comedores para as degustacións; iso só se pode encontrar en Agolada. Cos pendellos expositores da Parranda esta mostra ou calquera outra ganaría en atractivo e interese e o recinto dos Pendellos consolidaría unha restauración longamente demandada, dándolle cohesión ao recinto, que agora fica fendido en tres cachelos desde que unha irreflexiva actuación municipal en 1977 executara vías de asfalto para "urbanizar" os Pendellos.

Os de Agolada temos que ser conscientes da importancia deste recinto e da repercusión económica, social e mediática desta Mostra que nos regalou a Xunta de Galicia e a Asociación Galega de Artesáns. E creo que tamén debemos agradecer a implicación da Deputación de Pontevedra e da Consellería de Cultura na restauración deste antigo mercado. Impresionante a implicación da Deputación e a ilusión con que acometeu este proxecto. Só un pero, darlle máis uso ao longo de todo ano. Esa asignatura haberá que "recuperala en setembro" (enténdase o símil académico). Confiemos en que os novos rexedores da Deputación culminen esta obra incompleta.
Como evidencia desa repercusión mediática quedan aquí varias ligazóns con moita información e o programa de actos destes tres días:
LA VOZ DE GALICIA
A VOZ DE GALICIA
FARO DE VIGO
FUNDACIÓN CENTRO GALEGO DA ARTESANÍA
GALICIA DIXITAL
ASOCIACION GALEGA DE DESEÑADORES
BEN BO (GASTRONOMÍA ATLÁNTICA)
EL CORREO GALLEGO
NOTICIEIRO GALEGO
A VAIRA. CONSERVAS
SILVANA NAVARRO
LA ALACENA ROJA
GALICIA DE MODA
GALICIA EN EL MUNDO
FUNDESARTE
OBRADOIRUM
CULTURA DE GALICIA
EL SABOR DE LO DULCE
...