HÓRREO EN SESTO

Hórreo de madeira en Sesto. De dous claros e montado sobre cepas de pedra esquistosa. Tellado a dúas augas e sen pináculos. Sinxeleza e funcionalidade. Pero corren malos tempos para os hórreos e agora toca esperar a que caia se alguén non o remedia antes. É o triste destino da arquitectura popular cando perde a utilidade orixinal. A maior parte dos hórreos agardan baleiros na deserción do agro . Pero mentres tanto, aí permanece, coa súa galanura e a súa historia, mimetizado coa paisaxe.