CAMPO DE TRIGO EN GALEGOS (EIDIÁN)

Saes ao campo e miras en todas as direccións. Un tellado de aire e nubes dáche confianza e sentes a ledicia que escribe na túa pel a lene brisa da tarde. Volves mirar. A paisaxe envólvete coas súas cores de esperanza. A beleza inunda a túa mirada. Ao frente, un mar de trigo móvese ao compás das mareas do vento. Os piñeiros semellan mastros recortados no horizonte. Así é Agolada, un cadro pintado sobre un lenzo de outeiros.