No lugar de O Casal, en Brántega, na cima da aldea, onde o camiño se bifurca cara a Val e o Fondo de Brántega, encóntranse estas dúas pequenas xoias: a ermida das Neves, dedicada a San Miguel e un cruceiro de eleborada factura.A capela, rectangular, de mampostería e recebo desgastado só presenta como elemento singular un campanario con armazón de ferro sobre a porta principal. O cruceiro arranca sobre un bloque granítico prismático achaflanado nas aristas superiores. O fuste, octogonal coróase cun capitel circular rematado en volutas. As efixies, Cristo crucificado e a Virxe, ollando ao sur e ao norte respectivamente.
Ningún comentario:
Publicar un comentario