É frecuente que nalgunhas aldeas aparezan pías debaixo dos pichos das fontes, usadas como abeberadeiros para o gando. En realidade, algunhas delas son antigos sarcófagos altomedievais, desprovistos da tapadeira (que sería tamén unha lousa de pedra). Esta de A Ermida está moi próxima á ubicación da desparecida ermida de San Xoán, polo que que non é difícil inferir que se trata dun sacófago procedente deste eremitorio. Da ermida non quedan máis que as referencias orais e o microtopónimo que reciben os eidos onde se encontraba: O Campo do Santo (en alusión a San Xoán).A pía ten as medidas propias para dar cabida a un corpo humano, case dous metros de longo por 80 centímetros de ancho. Está na entrada da aldea, á man esquerda, cando se accede desde Cristín.
Ningún comentario:
Publicar un comentario