Ano tras ano vemos como os camiños de vello van desaparecendo nas fauces das modernas paleadoras para seren substituídos por estradas asfaltadas máis acordes cos tempos que vivimos. Outros esvaécense en fincas da concentración parcelaria.Pero, a cachelos, aínda podemos encontrar pequenos tramos dos vieiros que comunicaban antano as nosas aldeas.
Este da foto é un fragmento de 200 metros do camiño que saía de Agolada cara a Lamas (As Trabancas). Delimitado por valados graníticos. Accedín a el despois de que o lume queimase meses antes o bosque circundante. Tróuxome lembranzas dos anos mozos nos que me tocara percorrer varias veces esta vía.
Ningún comentario:
Publicar un comentario