Eran outros tempos. Observade como case todos os da foto están pendentes da cámara, atentos, agardando. Uns en primeiro plano, outros case disimulando, sabéndose non protagonistas da foto e un terceiro que avanza polo medio da estrada con paso firme. Todos observan a cámara. Só hai un que non presta atención: o que dorme a sesta deitado na beirarrúa (era agosto de 1963 e apretaba a calor, a sesta estaba xustificada).O xeladeiro co seu carriño branco. Ataviado coa chaquetiña tamén branca e empuñando as culleriñas dos xelados. Era unha estampa típica dos veráns nas feiras e nas festas. Un feirante máis que vende os seus xelados de cucurucho (amorodo, vainilla e chocolate).
Recoñezo na foto a Carlos de Cabanelas, Toño de Buxán (os dous da esquerda); detrás do carriño, un neno: Álvaro de Carril.
A foto é un agasallo conseguido no álbum particular de Tilucha Vázquez. Son pequenos tesouros cos que recuperamos a memoria da feira de Agolada, unha das feiras importantes da Galicia interior.
Ningún comentario:
Publicar un comentario