Entre os colectivos de Agolada, a Banda de Música ten xa unha longa tradición desde que no ano 1983 se refundara a Banda de Música Cultural de Brántega con D. Xosé Oro Val ao frente. En 1994 pasaría a depender do Concello e a ter a súa sede na capital municipal. Foi dirixida sucesivamente por Xosé Oro Val, Xosé Manuel Collazo, Xosé Luís Quintas e na actualidade por un músico e Licenciado na disciplina de Clarinete que naceu na propia Banda, Nilo García Armas. A maioría dos compoñentes da banda son nenos ou mozos, nos últimos anos experimentou unha profunda renovación. E a pesar diso sorprende a afinación e dozura da súa música.Na foto aparecen actuando na Praza da Randulfa, no interior dos Pendellos, durante os actos dos Premios Esquío de Poesía. O escenario, magnífico; a Banda tamén.
Ningún comentario:
Publicar un comentario