Na tarde do II Encontro nos Pendellos programamos varias visitas por puntos de interese dos arredores de Agolada. A primeira estapa levounos ata o Dolmen dos Muíños en Bidueiros, un dos grandes dolmens de Galicia.
Xosé García Miguélez (Pepe de Fernandiño), que andou estas paraxes desde neno foi quen nos descubriu esta marabilla á que el chamaba
a casiña dos mouros. Aparece no centro da foto explicando na presenza de Maricarme García Negro, Ramón Varela e Avelino Pousa Antelo, entre outros.
D. Avelino Pousa expoñendo os seus coñecementos sobre as mámoas.
A visita contou coa presenza de privilexio do Director Xeral de Patrimonio, D. Felipe Arias Vilas, arqueólogo e ex-director do Museo de Viladonga. As súas explicacións sobre a cultura dos megalitos contaron cun numeroso e cualificado auditorio: veciños de Agolada, unha ampla representación de escritores, profesores, artistas, ecoloxistas, o Delegado de Medio Rural, etc.
Na foto interior eu demandáballe a Felipe Arias qué tipo de actuación se podería levar a cabo neste monumento para a súa posta en valor. Por certo, a día de hoxe xa se fixo unha primeira actuación tendente á súa protección, se ben nos parece insuficiente namentres non se faga outra de maior envergadura.
Na tarde do II Encontro nos Pendellos programamos varias visitas por puntos de interese dos arredores de Agolada. A primeira estapa levounos ata o Dolmen dos Muíños en Bidueiros, un dos grandes dolmens de Galicia.
Xosé García Miguélez (Pepe de Fernandiño), que andou estas paraxes desde neno foi quen nos descubriu esta marabilla á que el chamaba a casiña dos mouros. Aparece no centro da foto explicando na presenza de Maricarme García Negro, Ramón Varela e Avelino Pousa Antelo, entre outros.
D. Avelino Pousa expoñendo os seus coñecementos sobre as mámoas.
A visita contou coa presenza de privilexio do Director Xeral de Patrimonio, D. Felipe Arias Vilas, arqueólogo e ex-director do Museo de Viladonga. As súas explicacións sobre a cultura dos megalitos contaron cun numeroso e cualificado auditorio: veciños de Agolada, unha ampla representación de escritores, profesores, artistas, ecoloxistas, o Delegado de Medio Rural, etc.
Na foto interior eu demandáballe a Felipe Arias qué tipo de actuación se podería levar a cabo neste monumento para a súa posta en valor. Por certo, a día de hoxe xa se fixo unha primeira actuación tendente á súa protección, se ben nos parece insuficiente namentres non se faga outra de maior envergadura. 
Ningún comentario:
Publicar un comentario