Esta é quinta entrada que lle dedico ao Pazo ou Casa Grande de Eidián. Sen dúbida meréceo. Sobre todo pola meritoria restauración que os propietarios levaron a cabo baixo as directrices técnicas dos arquitectos Miguel Serrano Gómez e María del Carmen García González. Foron respectuosos con todos os elementos ata o punto de que o portalón de entrada é o orixinal (arranxáronse só as madeiras deterioradas) e a metade da tella foi aproveitada.
Igualmente aconteceu cos restantes elementos da Casa, que hoxe locen con todo o seu esplendor. Na foto da dereita ofrézovos outro ángulo da cafetería onde aparecen maxistralmente combinados pozo, pía abeberadeiro, ordenador e o semicilindro do forno. Lembro que sobre o forno estaba o poleiro das galiñas. Diso hai poucos anos.Na foto inferior vemos a entrada principal da Casa con soportal porticado, apoiado sobre columnas que voan ata o tellado do sobrado.
Ningún comentario:
Publicar un comentario