A Casa chamada do "Convento" ten porta de arco de medio punto, con grandes dovelas e moldura de caveto. Pode dar unha data entre o XV e o XVI. Orientada ao leste, enfronte está a "ermida de Santestebo", xa medio derruída, que logo o Bispo de Lugo declarou "ermita muerta" e mandou aos fregueses que fosen á misa a Santa María, tamén en Basadre.
No lintel da ventá do sudeste, un pequeno Escudo con tres barras verticais rodeadas de caldeiras e roeles, do apelido Noguerol de Amarante, que foron donos destas terras.
Nesta casa estaba a Tulla, onde se recollía o centeo e o trigo deste Coto de Basadre. No libro Becerro do ano 1662 lemos: "...ferrados puestos en la tulla del Convento de Basadre..."
(Oculta tras a leña aínda se conserva a fermosa porta de arco de medio punto que debuxou Broz tan ben )
O Convento ou Pazo de Basadre, "antiguamente fue panera del Convento". Hai outra casa antiga, que ten un pequeno escudo partido, cos cuarteis López e Bermúdez, iguais aos da Casa de Eidián, polo que debe de ser dun familiar.Nun documento lese: "...aforó el Convento a López Basadre... mujer Isabel de Ulloa...año 1563...el lugar de la hermita..."
E máis adiante pon: "Toda quanta tierra así de las heredades, arboledos y montes están debajo de la campana de Santa María de Basadre, es propiedad deste Covento, así me lo dijo Don Juan López de Basadre, capitán, regidor de Santiago y señor deste Coto...vive en Eidián...las mejores heredades las llevó el capitán Basadre, el papador."
"... y con las tres plumas y capitanía bolaron los Meyres en Basadre y en Mayorazgo y mucha hacienda, pero lo que toca a Basadre e Ydean es todo del Convento".
"... y con las tres plumas y capitanía bolaron los Meyres en Basadre y en Mayorazgo y mucha hacienda, pero lo que toca a Basadre e Ydean es todo del Convento".
Os debuxos e o texto están tirados do libro Santispíritus de Melide de Xosé Manuel Broz Rei
Ningún comentario:
Publicar un comentario