En agosto de 2005 tivemos en Brántega unha reunión veciñal das parroquias de Brántega e Carmoega para tratar de deter o proxecto de construción dunha minicentral no río Arnego que afectaba terras das dúas parroquias. Aquel día contamos coa impagable contribución de xente tan experimentada na defensa dos ríos como a asociación ecoloxista Adega, representada polo seu presidente de entón, Daniel López Vispo, polo representante da Plataforma de Defensa do Alto Ulla, Marcial Barral Vázquez e polo presidente da asociación ecoloxista de Agolada Naturviva, Juan José López Pallares.Cando rematou a reunión Daniel López Vispo (á esquerda na foto), Marcial Barral Vázquez (con visera verde) e outros amigos quixeron coñecer a Ponte dos Cabalos, a insua e o paso do Arnego por esta zona, que daquelas tamén estaba afectada pola construción das minicentrais Lamas I e Lamas II. Despois de coñecer o lugar non aforraron palabras para gabar a beleza da insua e a ponte e o magnífico entorno natural.
Cómpre dicir que co cambio de goberno da Xunta, as tres minicentrais citadas foron suprimidas sen que fose necesario atender ás alegacións que no seu día presentamos acompañadas polas firmas da maioría dos veciños afectados.
Ningún comentario:
Publicar un comentario