Este hórreo que na actualidade está na aldea de Vilameá - O Az (Rodeiro) naceu en Agolada con toda a súa boa fábrica canteira. Construíuno Prudencio Vidal e tíñao colocado á beira da Rúa Nova no muro que delimitaba a súa casa-panadería. Nos anos 60 do século pasado ancheouse a rúa e houbo necesidade de mover o hórreo de sitio. Ao desmontalo decidiron vendelo a un veciño de Vilameá (Rodeiro).O hórreo ten unha magnífica construción. Todas as partes do hórreo son de pedra mesmo as doelas e o teito. A porta é atípica, de ferro cun enreixado artístico e os pináculos pétreos, orixinais; rematando o que está enriba da porta cun cataventos metálico que representa un galo madrugador.
Ningún comentario:
Publicar un comentario