Hoxe rescatei do libro Pazos y Torres. La Estrada, Deza y Camba, publicado pola Asociación Amigos de los Pazos, esta foto da casa-torre-fortaleza de Traspenas, antes de ser adulterada por reformas de bloque, ladrillo e formigón. Está aí na agra, illada, rodeada de árbores, resistindo o paso do tempo e o abandono dos seus. Mais ningunha fortaleza é capaz de resistir a temible arma do esquecemento.Esta casa estivo entroncada coas familias máis nobres da comarca: coa casa da Torre de Barazón, coa Torre de Brandariz (A Baíña), coa Casa Grande de Cercio (Lalín), coa Casa de Salto (Rodeiro), coa Casa da Laxe de Monterroso, co Pazo de Cartelos de Chantada e o Pazo de Tor en Monforte.
Ningún comentario:
Publicar un comentario