As tostas son intentos de coutar o pulo dos ríos, esforzos por domesticar a bravura das augas, son expresión da arela humana para aproveitar a forza incansable das correntes.Son as tostas percusión acústica das ninfas no bater das pedras. Son escuma e fragor, son frescura e salseiro, remanso de augas gordas, limpos espellos.
As tostas son muradelas de pedra chantadas en cuña, atrancadas no río oblicuamente, para guiar as augas cara o muíño de rodicios sedentos ou cara o verde perenne dos pasteiros.
Non coñecía as tostas.
ResponderEliminarGraciñas por aprendernos o que sabes.