HÓRREO MUTILADO

Na arquitectura das aldeas a graza canteira queda reservada para os hórreos e cruceiros. Maniféstase máis escasamente nas vivendas ou noutras construcións. Por iso produce mágoa ver como se deixan caer os hórreos porque xa perderon a utilidade orixinaria. Na imaxe podémolo comprobar nun hórreo que está a carón do asfalto en San Paio de Bais. Agora só serve de mesado para expor as macetas. Coma este teño visto varios en Ventosa, en Santán , en Cartimil, en Outeiro de Fafián, en Agolada... A Consellería de Cultura vén de anunciar subvencións para a recuperación do Patrimonio Etnográfico. É boa oportunidade para poñerse mans á obra.