Hoxe ás 10 da mañá fomos recibidos tres membros da directiva de "Amigos dos Pendellos" polo Director Xeral de Patrimonio Cultural, D. Felipe Arias Vilas e polo Subdirector Xeral de Conservación e Restauración de Bens Culturais, D. Manuel Federico Garrido Villa, na Consellería de Cultura en San Caetano (Santiago).Iamos pedir un novo impulso para que empecen pronto as obras de restauración nos edificios da Capela das Virtudes e na Casa da Neves, para os que xa existe o proxecto redactado e presuposto asignado de 174.000 €. Pedímoslle ao Director Xeral que volva insistir diante da Deputación de Pontevedra (propietaria dos edificios que se pretenden restaurar) para que se preste a firmar o convenio de cesión temporal dos edificios polo período de duración das obras.
Por parte da Consellería díxosenos que só falta que a Deputación firme a cesión, o demais é cousa feita. E que volverán cursar a firma do convenio como xa se fixera no mes de marzo pasado.
Desde a Asociación queremos destacar que atopamos na Consellería, en todo momento, comprensión, ánimo, receptividade e apoio. Xa nos gustaría dicir o mesmo da Deputación. E ao Concello tamén cómpre repetirlle que sería desexable que houbese maior implicación e firmeza para reclamar diante de calquera Administración os intereses do pobo de Agolada.
Ningún comentario:
Publicar un comentario