Este edificio foi concebido a principios dos anos 60 para servir como matadoiro e como centro de inseminación artificial para o gando vacún. Ao longo dos anos tivo desigual funcionamento e rematou por dedicarse simplemente a almacén municipal.
Nas fotos vemos o edificio na época da súa inauguración, aínda había algunha obra de axardinamento no exterior. As obras foran contratadas por Xosé Buján Varela, de cuxo arquivo fotográfico conseguín estas imaxes pola xentileza da súa filla Eva.Hai xa bastantes anos que se derrubou por completo o edificio (na actualidade hai unha praciña no seu lugar) e a posibilidade de rescatar estas fotografías permítenos reconstruír con fidelidade a memoria duns anos que non voltarán.
Como curiosidade podo dicirche que eu vivín nun matadoiro nos EEUU. Por suposto que xa non tiña esa función pero conservaba uns muros de máis de medio metro e unhas fiestras pequenas que aillaban a casa do frío e da calor co aforro correspondente na tarifa eléctrica.
ResponderEliminar