Neste mes de agosto Os Pendellos recobran vida porque durante tres días a Mostra de Artesanía leva artesáns, festa e visitantes. Xa no remate do mes, a Asociación Amigos dos Pendellos organiza unha velada-cea moi especial na Noite das Candeas.Esa é a vida que debería interesarnos a todos. Nin que dicir ten que rexeitamos esoutra vida que aparece na foto superior, evidencia do deterioro social que sufrimos en vilas e cidades e nas que unha parte da poboación entende por diversión a pandemia etílica que anula vidas e emporca os espazos que habita. Así aparecían Os Pendellos no pasado mes de xullo por enésima vez.
O Concello organiza tres días de actividades nas que a Asociación Amigos dos Pendellos fará varias proxeccións multimedia no edificio restaurado para futuro Museo das Feiras e expoñerá fotografías.
O día 29, a Noite das Candeas. Luís Viñas confeccionou este cartaz tan xeitoso para anunciala.
Nuna mellor dito "pandemia etílica", é triste ver que rapac@s que aínda teñen medrando o fígado e os riles xa lle están meter tanta porcallada; posiblemente nós sexamos a xeración que ten que coidar aos maiores e logo teñamos que coidar dos novos porque están destruíndo o seu corpo con metílico e outras sustancias aínda máis perxudiciais. Desde o Pico Sacro.
ResponderEliminar